Razafimamonjy George Eugène Fanja ny anarany feno. Mpikambana mpanorina ny Mpizaka STeLaRiMa (MPIangaly ZAvaKAnto / Sampana TEny sy LAhabolana ary RIba Malagasy FLSH Antananarivo) sampana Haisoratra nandritra ny taona 1991 -1995. Asa soratra atao : tononkalo, tantara fandefa an’onjampeo, sombintantara, tantara foronina, angano. Mpikamba ao amin'ny OMDA nanomboka ny taona 1992, laharana 1169 eo amin’ny sokajy haisoratra, ary laharana 02184 eo amin’ny sokajy tantara
Sehatra efa nanehoana/namoahana asa soratra :
- ACCEM Radio, Antsa an-tehatra sy famoahana amboaran-tononkalo novokarina teo anivon'ny Mpizaka Stelarima (Bitsika sy Kalo 0, I, II, III, Amboaran-javozavo / Raki-pahatsiarovana ny faha-15 taona nijoroan'ny MPIZAKA STELARIM).
- Fampirantiana momba ny asa soratra izay natao tao amin’ny Tranombokim-pirenena Ampefiloha, nandritra ny fankalazana ny Roa andron'ny Teny malagasy 1993 (izay lasa Iray Volan'ny Teny malagasy ankehitriny) sy ny taona 1994 (Cidst Tsimbazaza).
- Antsa an-tsehatra nataon'ny Mpizaka Stelarima nandritra ilay « Takarivan-kolontsaina » nokarakarain’ny Ministeran'ny Kolontsaina sy Serasera, niarahana tamina mpanakanto maro nisolo tena ny isam-paritra, izay notontosaina tao amin'ny CCESCA Antanimena (1993).
- Fampisehoana sy fanentanana an-tsehatra samihafa niarahana tamin'ny Mpizaka SteLaRiMa., Gazety Ambioka, Fanasina (Amboaran-tononkalo niarahana tamin'i Ny Eja, Rima, Avelo Nidor, Di'Art Tsifoina, Vato Afo, Jaonary, Faniry Ezeckiel, Nary, Jas Rakoto, Jaya Razafy, Mi'a Joe, Idealy Fahafahana, Aingampanahy FS, Mavo) Free FM, Gazety Valiha, ICM Radio, Kolo Radio, Radio Anjomara Anjozorobe, Radio Arcade, Radio Antsiva, Radio Corail, Radio Don Bosco, Radio Fahazavana, Radio Feon'ny Vahoaka, Radio Haja Antsirabe, Radio MBS, Radio Nasionaly malagasy (RNM), Radio Record, Radio TV Plus, Televiziona Malagasy (TVM), Tsiroanomandidy Radio, Radio VIVA, Seho an-tsehatra, niarahana tamin’ny namana poeta sy mpanoratra Di'Art Tsifoina, Vato Afo, Faniry Ezeckiel, Nary, Jas Rakoto, Jaya Razafy, Idealy Fahafahana, Mavo (Nanentana, Tina Rakotoharimalala)
- Efa namoaka boky mitondra ny lohateny « tsoakahitra » ny volan Jona 2019, boky mirakitra amboaran-tsombintantara.
Sehatra hafa ivelan'ny maha poeta sy maha mpanoratra
Fitarihana atrika momba ny fanoratana sy fiantsana poezia, niarahana tamin’ny namana Mpanoratra sy Poeta Ny Eja, i Avelo Nidor, i Rima :
- Novambra 2016 : Bevalala
- Febroary 2017 : Ambatofotsy
- Marsa 2017 : Efitrano Gisèle Rabesahala, Tranombokim-pirenena Anosy
Jona 2018 : Fanoratana tantara forononina , niarahana tamin’Andriamanatsilavo Seth (Akademisianina, Mpampianatra mpikaroka, ENS) sy Ranjatohery Heriarilala (Akademisianina, Mpampianatra mpikaroka, Mpanoratra, Poeta, Mpikabary) :
- Aogositra 2018 : Fitsipi-pitenena sy fanoratana ny teny malagasy, tany Arivonimamo, niarahana tamin’ny Havatsa-UPEM, Arivonimamo
- Jona 2019 : Fanoratana poezia, niarahana tamin’Andrianasolo Hajaina Naomy (Akademisianina, Mpampianatra mpikaroka, Filohan’ny Havatsa-Upem, Mpanoratra, Poeta, Mpikabary), Raolison Lala Agnèse (Mpampianatra, Poeta, Mpanoratra, Mpanoratra boky fampianarana), Andriafaly Thina (Poeta, Mpanoratra, Mpamoron-kira, Mpihira)
- Jona 2021 : Fitsipi-pitenena sy fanoratana ny teny malagasy, CCI Tsiroanomandidy : Jona 2021, niarahana tamin'ny Fitaleavam-paritry ny Serasera sy Kolontsaina, Faritra Bongolava.
- Oktobra 2021 : Fitsipi-pitenena sy fanoratana ny teny malagasy, Bel’Air Tsiroanomandidy, niarahana tamin'ny Fitaleavam-paritry ny Serasera sy Kolontsaina, Faritra Bongolava.
- Mey 2022 : Fitsipi-pitenena sy fanoratana ny teny malagasy, SAmpana Havatsa-UPEM Arivonimamo.
- Jona 22 : Fitsipi-pitenena sy fanoratana ny teny malagasy, Bel'Air Tsiroanomandidy, niarahana tamin’ny Fitaleavam-paritry ny Serasera sy Kolontsaina, Faritra Bongolava ary ny Faribolana Sandratra Tsiroanomandidy.
- Jona 2022 : Fikarakarana fifaninanana soratononina, niarahana tamin’ny Fitaleavam-paritry ny Serasera sy Kolontsaina, Faritra Bongolava ary ny Faribolana Sandratra Tsiroanomandidy.
Fandraisana anjara tamina hetsika hafa :
- Novambra 2020 : Fandraisana anjara tamin’ny hetsika « Andao hamaky boky, hifanakalo kalo », tany Tsiroanomandidy, niarahana tamin'ny Fitaleavam-paritry ny Serasera sy Kolontsaina Faritra Bongolava, ny faritra Bongolava, ny Fikambanana Antsitrapo, ny Faribolana Sandratra Tsiroanomandidy.
- Febroary 2021 : Velakevitra momba ny Lalana nodiavin'ny Teny malagasy, hetsika nokarakarain’ny Havatsa-UPEM, nentina nankalaza ny andro manenrantany momba ny Tenindreny.
- Oktobra 2021 : Fandraisana anjara tamin'ny hetsika « Andao hamaky boky, hifanakalo kalo », tany Tsiroanomandidy, niarahana tamin’ny Fitaleavam-paritry ny Serasera sy Kolontsaina Faritra Bongolava, ny faritra Bongolava, ny Fikambanana Antsitrapo, ny Faribolana Sandratra Tsiroanomandidy.
Loka :
- Nahazo « Loka fampirisihana » tamin'ny fifaninanana Tantara foronina, LOKA NIRHY LANTO, RINDRAMBOLANA SY KOLOTENY – Andiany voalohany, nokarakarain'ny Fianakaviana Nirhy Lanto sy ny Fikambanan'ny Poeta sy Mpanoratra Malagasy – HAVATSA UPEM, ny taona 2006.
- Nahazo Loka voalohany tamin'ny fifaninanana Sombintantara, LOKA NIRHY LANTO, RINDRAMBOLANA SY KOLOTENY – Andiany fahatelo, nokarakarain’ny Fianakaviana Nirhy Lanto sy ny Fikambanan'ny Poeta sy Mpanoratra Malagasy – HAVATSA UPEM, ny taona 2016.
- Nahazo Loka voalohany tamin'ny fifaninanana Tantaraforonina, LOKA NIRHY LANTO, RINDRAMBOLANA SY KOLOTENY – Andiany fahefatra, nokarakarain'ny Fianakaviana Nirhy Lanto sy ny Fikambanan'ny Poeta sy Mpanoratra Malagasy – HAVATSA UPEM, ny taona 2019.
- Nahazo ny laharana faharoa tamin'ny fisafidianana ny Mpanoratry ny taona 2019, nokarakarin'ny Koloiko sy Hajaiko ny Teniko. Mariboninahitra eo amin’ny zavakanto : Chevalier de l'Ordre des Arts des Lettres et de la Culture.
